-- ADVERTISEMENT --
Miabot na sa P1.79 bilyon ang gibanabanang kadaot sa sektor sa agrikultura tungod sa hiniusang epekto sa habagat ug mga bagyong Luis, Maymay ug Neneng, sumala sa Department of Agriculture (DA).
Matod sa DA, 51,229 ka mag-uuma ang naapektuhan, samtang 41,647 ka ektarya nga agricultural land ang nadaot.
Miabot usab sa 44,745 metriko tonelada ang gibanabanang pagkawala sa mga produktong pang-agrikultura tungod sa dili maayong panahon.
Lakip sa mga naapektuhang lugar ang Ilocos Region, Cordillera Administrative Region, Cagayan Valley, Central Luzon, CALABARZON, MIMAROPA, Bicol Region ug Western Visayas.
Gipaabot nga mosaka pa ang kantidad sa kadaot samtang nagpadayon ang DA sa assessment sa mga apektadong lugar.
-- ADVERTISEMENT --
