Hilabihan ang kalipay sa tulo ka Sugboanon nga palarang mananaog sa Grand Draw sa Swerte sa Palengke Promo 2026, nga gitapos ang serye sa pito ka weekly draws nga gihimo isip kabahin sa promosyon.
Sangko sa langit ang kalipay sa 1st winner nga si Amabel Ostria nga taga Daan Lungsod sa Alcoy, Cebu, ang iyang Proof of purchase kay Efficascent oil. Nakadaog kini og P25,000 cash.
Dili kini makatuo nga sa kadaghang misalmot sa Swerte sa Palengke Promo ug bundok nga mga entries, iyang entry ang nalanding sa kamot ug nakadaog sa papremyo.
Wala usab damha ni Niña Liza Regis, diin wala damha niini nga ang iyang entry ang mabunutan isip 2nd Prize Winner ug makadaog og P15,000 cash.
Gipaambit usab niini ang plano sa iayng nadag-an nga iya kining ipalit og diaper ug gatas sa iyang mga anak, hilabi na nga aduna pa kini 11 ka buwan nga masuso.
Busa, dako ang pasalamat ni Regis sa Bombo Radyo ug Star FM Cebu sa walay puas ug tinud-anay nga papremyo.
Samtang, itagana usab ni Irish Batingal, ang 3rd prize winner sa gastuhan sa skwelahan sa iyang mga anak ug dugang gasto sa pang-adlaw-adlaw.
Dili usab masukod ang kalipay niini nga adunay sagol kakulba gumikan unang higayon kini nga makadaog siya sa pa-premyo.
