Makigtigi sila si Pinay tennis star Alex Eala ug Carlos Yulo atol sa ika-20 nga Asian Games sa Aichi-Nagoya, Japan.
Niadtong Lunes, Septiyembre 7, pormal nga gisumite sa Philippine Olympic Committee (POC) ang kompletong listahan sa mga atleta nga makigtigi sa nahisgutang torneyo.
Sila si Eala ug Yulo ang dakong tsansa nga modaog og bulawang medalya sa ilang tagsatagsa ka paboritong sporting events.
Gikataho nga nakahukom si Eala nga dili moapil sa China Open WTA 1000 aron morepresentar sa nasud sa Asian Games.
Sa miaging tulo ka tuig, si Eala nakadaog og duha ka bronze medal, usa sa singles ug usa sa mixed doubles.
Samtang si Yulo, usa ka Olympic artistic champion, naningkamot usab nga makakuha sa iyang unang bulawang medalya sa Asian Games human midaog sa Asian Championship niadtong Hunyo sa Zunyi, China.
Pipila sa mga atleta nga makigtigi naglakip nila ni Annie Ramirez sa jiu-jitsu, EJ Obiena sa pole vault, Daniel Caluag sa BMX competition ug sa Gilas Pilipinas men’s basketball team.
Mosalmot usab ang Alas Pilipinas women’s ug men’s volleyball teams ug mga golfers nga sila si Bianc Pagdanganan ug Pauline Del Rosario.
