Nagpangandam na karon ang mga public prosecutor sa pag-cross-examine sa mga saksi gikan sa kampo ni Bise Presidente Sara sa higayon nga magsugod na ang bahin sa depensa sa impeachment trial.
Matod ni Bicol Saro Party-list Rep. Terry Ridon, ang pag-cross-examine sa mga saksi nga gipresentar sa depensa usa ka mahinungdanong bahin sa ilang tahas.
Atol sa unang mga hugna sa pagdungog, ang mga private prosecutor ang nanguna sa pagpresentar sa mga ebidensya.
Apan, gipahayag ni Ridon nga ang mga public ug private prosecutor magpabiling aktibo sa pagpangutana sa mga saksi sa depensa.
Gilauman nga susihon pag-ayo sa prosekusyon ang mga pahayag ug ebidensya nga gipresentar sa kampo ni Duterte aron tubagon ang mga alegasyon kalabot sa confidential funds, wala masaysay nga bahandi, pagpanghiphip, ug seryosong mga hulga.
Sa dili pa magsugod ang depensa sa ilang habig, kinahanglan una nga tapuson sa prosekusyon ang pagpresentar sa nahabilin nilang mga ebidensya nga nagpaluyo sa mga sumbong sa impeachment.
