Nagdeklarar og “not guilty” o dili sad-an si kanhi House Speaker Martin Romualdez kalabot sa kasong plunder nga gipasaka batok kaniya.
Gihimo niya kini atol sa iyang arraignment sa Sandiganbayan Third Division.
Mitambong si Romualdez sa mga proseso pinaagi sa teleconferencing gikan sa New Quezon City Jail.
Diin ang iyang abogado nga si Atty. Jose Roy III mihangyo nga dili na basahon ang pormal nga mga sumbong batok kaniya, apan gibalibaran sa korte—pinaagi ni Associate Justice Karl Miranda—ang maong hangyo.
Samtang, laing abogado nga si Atty. Rachel Ann Pomoy nagpahayag nga magpasaka og petisyon alang sa piyansa ang kampo sa magbabalaod kalabot sa maong kasong plunder.
Kahinumdoman nga nag-atubang si Romualdez og mga kasong plunder tungod sa giingong pagdawat og mga kickback nga mokabat sa P7.4 bilyones.
Niadtong Septiyembre 7, nagpagawas ang Sandiganbayan og warrant of arrest batok kang Romualdez, kanhi AKO BICOL Representative Zaldy Co, ug duha pa ka tawo kalabot sa kasong plunder nga naglambigit sa mga kickback gikan sa mga proyekto sa flood control.
