Bout nga i-deputized ni Cebu City Council, ang mga trail runners sa Dakbayan sa Sugbo, nga mamahimong mo abag sa pagbantay sa pagpanalipod sa kalikopan hilabi na sa kabukiran sa Dakbayan sa Sugbo.
Kini human nga nakadawat og report si Konsehal Joel Garganera gikan sa mga trekkers ug mountain enthusiasts nga adunay nahitabong vandalism sulod sa Central Cebu Protected Landscape (CCPL) ilabi na gyud sa Buhisan.
Subay niini, nihangyo si Garganera ngadto sa publiko sa kung kinsa ang mga nakasaksi sa maong binuhatan o adunay impormasyon bahin sa mga responsable niini nga mogawas ug motabang sa pagreport.
Gitataw niya nga ang mga protected area dili lugar nga angay hugaw-hugawan.
Atol sa Cebu City Trail Fest 2026, ang mga runner ug trekker gideputize isip mga magbalantay ug lookout sa CCPL.
Giawhag usab sa konsehal ang trail community nga magpabiling alerto ug i-report ang bisan unsang ilegal nga kalihokan o kadaot sa maong lugar.
Dili lamang bandalismo, kondili apil usab ang pagtukod og permanenteng mga estruktura, mga kalihokan sa pagbalhin o pag-ukay sa yuta, ilegal nga pagpamutol og mga kahoy, ug uban pang mga kalihokan nga makadaot sa kalikupan.
