PROVINCE OF CEBU- Miabot na sa ₱125.77 milyon ang kantidad sa kadaot sa sektor sa agrikultura ug pangisda sa Bohol tungod sa El Niño phenomenon base sa datos niadtong Septiyembre 23, 2026 sumala sa Office of the Provincial Agriculturist.
Gibutyag ni Bohol Provincial Board Member Lucille Lagunay, ang chairperson sa Committee on Agriculture and Cooperatives, atol sa usa ka pressconference nga nagpaabot pa ang kagamhanang probinsyal sa mga report sa kadaot gikan sa mga lungsod.
Matod ni Lagunay, 13 pa lamang sa 48 ka lungsod sa Bohol ang nakasumiter sa ilang mga report, nga nagpasabot nga mahimong motaas pa ang kinatibuk-ang kantidad sa kadaot sa higayon nga madawat na ang mga nahabilin nga report.
Gihimug-atan niini nga ang usa sa kusog sa Kagamhanan sa Probinsya sa Bohol, mao ang disaster preparedness diin gigahinan gayud kini og pundo alang sa mga posibleng kadaot sa El Niño.
Diin nagpahigayon sila og “crowd seeding operations” nga makapalambo ug makapakunhod sa problema sa huwaw.
