Gipasabot ni Board Member 4th District ug ABC Federation President Celestino “Tining” Martinez nga walay angay basolon bahin sa hisgutanan sa bonus tungod kay wala pa nigawas ang disallowance alang sa tuig 2024 sa dihang gipasa ang bonus alang sa 2025.
Matud niya, gipasa ug nahatag ang bonus sa 2025 sa panahon ni Cebu Governor Pamela Baricuatro ug usa ka buwan ang nakalabay pa lamang nigawas ang opisyal nga disallowance alang sa 2024.
Inay ang pangutana karon nga mitunaw kung nganong gipasa ug i-release gihapon ang alang sa 2026 samtang na-disallow na ang sa 2024 ug 2025 gamit ang parehong rason.
Nagpasaka na usab ang Probinsya og motion for reconsideration ngadto sa Commission on Audit kalabot sa mga naunang disallowance, ug nakahukom ang Cebu Provincial Board nga maghuwat una sa aksyon sa audit agency sa dili pa konsiderahon ang gisugyot nga pondo alang sa 2026.
Gipaambit usab niini nga mas pilion sa PB nga maghuwat una sa aksyon sa COA bahin sa motion for reconsideration sa dili pa hisgotan ang Praise bonus alang sa 2026.
Ingon man nga gipresentar na ni Gov. Baricuatro ang baruganan sa Probinsya atubangan sa COA, apan nagpadayon pa ang pagrepaso sa maong ahensya sa maong butang.
