Dili na madayon, ang gitakdang pagbiyahe ni Papa Leo XIV ngadto sa Assisi, Italy, sa sunod semana subay sa tambag sa iyang doktor samtang nagpadayon siya sa pagkaayo gikan sa bag-o lang nga operasyon sa baga.
Gikatakdang mobisita ang Santo Papa karong umaabot nga Martes aron sa paghandum sa ika-40 nga anibersaryo sa World Day of Prayer for Peace, nga gitukod ni San Juan Pablo II.
Sumala sa Vatican, gitambagan sa mga doktor ang Santo Papa nga likayan una ang pagbiyahe sa pagkakaron aron mas maayo ang iyang pagkaayo gikan sa bag-o lang nga operasyon alang sa kanser sa baga.
Hinuon, magpadala na lang siya og mensahe ngadto sa mga nag-organisar sa kalihokan, nga nagdala sa tema nga “Disarmed and Disarming Peace.”
Samtang, nagpahibalo ang Vatican nga ang pagkaayo sa Santo Papa nagpadayon nga makanunayon ug paspas—usa ka kamatuoran nga gipamatud-an sa positibong resulta sa follow-up nga X-ray sa iyang dughan.
Tungod niini, girekomendar sa iyang mga doktor nga i-postpone una niya ang iyang pagbiyahe sakay sa helicopter paingon sa Assisi.
Sa sunod nga bulan, sa Nobyembre, si Papa Leo XIV gikatakdang mobiyahe ngadto sa Latin America alang sa usa ka pagbisita sa Uruguay, Argentina, ug Peru.
