Gipaandam ni North Korean leader Kim Jong Un ang military alang sa gubat.
Gimandoan ni Kim ang mga commander sa Korean People’s Army nga sigurohon nga ang matag yunit andam nga makig-away sa usa ka gubat.
Kini nga pahayag gipagawas sa state-run nga Korean Central News Agency (KCNA) human mitambong si Kim sa usa ka kalihokan uban sa mga opisyal sa militar sa North Korea.
Sumala sa taho, gimandoan sa lider sa North Korea ang matag company commander nga mangandam alang sa gubat, ug gipasiugda nga ang hugot ug lapad nga pagbansay alang sa tanang sundalo mao ang nag-unang paagi aron makab-ot kini.
Sa wala pa kini, gipahigayon ang “Ikatulong Tigum sa mga Lider sa Kompanya” tali kang Kim ug sa mga lider sa militar sa nasud. Diin ang maong kalihokan nahitabo sa Pyongyang niadtong Oktubre 22 ug 23, 2026.
Atol sa tigum, giawhag usab niya ang mga komander nga tukuron ang pinakagamhanang kasundalohan ug padalion ang usa ka rebolusyong militar nga “istilong-Koreano” pinaagi sa pagpalambo sa pinakakusgan nga mga yunit sa militar—partikular na ang mga kompanya sa militar.
Sumala sa state media sa North Korea, kini ang unang higayon nga nagtigum ang tibuok kasundalohan sukad sa ika-9 nga Kongreso sa Workers’ Party nga gipahigayon niadtong Pebrero.
