Mitubag si Jinkee Pacquiao sa mga kritisismo sa mga netizen human mikaylap ang video diin makita ang iyang bodyguard nga nagkupot og payong alang kaniya.
Nagsugod ang kontrobersiya human nag-post si Jinkee og mga video sa samtang nagdula og pickleball.
Sa usa ka video nga gikuhaan niadtong Oktubre 17, 2026, makita siyang migawas gikan sa usa ka balay sa General Santos City ug gipayongan dayon sa iyang bodyguard.
Bisan tuod wala nag-ulan, basa ang yuta ug karsada.
Nangutana usab ang pipila ka netizen kon nganong kinahanglan pa siyang payongan, ilabina kay duol lamang ang gym diin siya magdula og pickleball.
Niadtong Oktubre 28, mitubag si Jinkee pinaagi sa usa ka video samtang nangandam sa paggawas aron magdula.
Wala pa kini matapos didto kay sa laing video nga gi-post niadtong Oktubre 30, makita siyang naglakaw uban sa grupo nga gilangkuban sa mga 13 ka tawo.
Dungan nga misinggit ang grupo og, “Ang payong!” nga giisip nga sarkastikong tubag ni Jinkee sa mga kritisismo nga iyang nadawat.
