Gipahibalo ni Ombudsman Jesus Crispin Remulla nga mohimo siya og surpresang pagbisita sa Quezon City Jail, human sa mga taho nga nakit-an ang kanhi House Speaker nga si Martin Romualdez sa gawas sa maong pasilidad.
Samtang, nagplano si Remulla nga mopasaka og reklamo ngadto sa Department of Information and Communications Technology (DICT) ug sa usa ka social media platform may kalabotan sa pagkatap sa mga “fake news” o bakak nga balita.
Gikumpirmar ni Ombudsman Jesus Crispin Remulla nga mohimo siya og surpresang pagbisita sa Quezon City Jail sa Payatas, diin gibilanggo ang pipila ka mga politiko nga nag-atubang og mga kaso.
Nagpahayag siya og kabalaka bahin sa mga taho nga nag-ingon nga ang Representante sa Leyte nga si Martin Romualdez nakagawas-gawas sa pasilidad.
Ang Bureau of Jail Management and Penology (BJMP) nanghimakak na kaniadto nga nakagawas-gawas si Romualdez sa bilanggoan.
Niadtong Huwebes, gibawi sa kolumnista nga si Ramon Tulfo ang iyang naunang pasangil nga ang kanhi House Speaker nagsige og gawas-sulod sa pasilidad.
