Gidakop ang usa ka American national human kini napalutsan ug warrant of arrest tungod sa 7-counts sa kasong kalapasan sa Violence Against Women and Children (VAWC) didto sa Argao Municipal Police Office
Ang akusado giila nga si alias “Seb”, 39 yrs old, ug usa ka American National.
Si “Seb” gidakop sa kapulisan sa Argao Municipal Police Station sa pagpangulo ni PCAPT Eden Rex Baguio pinasikad sa warrant of arrest nga gipagawas sa RTC Branch 93 Seventh Judicial Region nga gidumala ni Hon. Judge Francis Rainier Rodriguez Navarrete, tungod sa 7-ka counts sa kalapasan sa RA 9262 o Anti-Violence Against Women and Children (VAWC) Act of 2004, diin adunay piyansa nga P360,000
Nakapiyansa si “Seb” sa maong mga kaso diin naghatag kini ug temporaryong kagawasan
Sa eksklusibong pakighinabi sa Bombo Radyo Cebu Newsteam, gisegundahan ni PLTCOL Rolan Aliser, ang tigpamaba sa Police Regional Office 7, ang pamahayag ni PNP Chief PGEN Jose Melencio Nartatez Jr. ang seryosong mandato sa maong buhatan alang sa pagpatuman sa mga court orders aron nga masiguro ang pagsunod sa legal nga pamaagi
Pahimangno ni Aliser nga ang buhatan sa PNP seryoso nga nagpahimangno sa mga mag-abuso sa mga babaye ug kabataan, ug andam ang kapulisan nga motabang kanila hilabi ba sa mga seryosong sitwasyon.
