Giawhag ni President Ferdinand “Bongbong” Marcos Jr. ang mga negosyante ug tigpamuhunan sa ASEAN nga magtinabangay aron mapalambo ang ekonomiya ug makamugna og mas daghang trabaho sa rehiyon.
Sa iyang pakigpulong sa ASEAN Business and Investment Summit 2026 sa Pilipinas, gipasiugda sa Presidente ang kamahinungdanon sa responsableng paggamit sa Artificial Intelligence (AI) aron mapaayo ang negosyo ug serbisyo ngadto sa katawhan.
Matod ni Marcos, lakip sa mga prayoridad sa Pilipinas ang paggamit sa AI aron matabangan ang gagmay nga negosyo nga mapalapdan ang ilang operasyon ug mapalambo ang serbisyo sa panglawas.
Giawhag usab niya ang dagkong kompanya ug tigpamuhunan nga suportahan ang gagmay nga negosyo pinaagi sa pagpaambit sa kahibalo, teknolohiya, ug mga oportunidad.
Gipasalig usab sa Presidente nga magpadayon ang Pilipinas sa pagpakigtambayayong sa mga nasod sa ASEAN aron palig-onon ang ekonomiya, makamugna og trabaho, ug makahatag og mas maayong kaugmaon sa katawhan.
