-- ADVERTISEMENT --

Nailhan na ang lalaking napalgan nga patay sa baybayon duol sa fish port, barangay San Roque, sa Talisay City, pasado alas 8 kagahapon sa buntag, November 17.

Giila ang biktima nga si Virgelio, 43 anyos, usa ka security guard ug residente sa barangay Inayawan, Cebu City.

Nipatim-aw sa Talisay City Police Station ang iyang igsoon nga si alyas Jowevina, pasado alas 10 gahapon sa buntag, aron ilhon ang patayng lawas.
Matud sa iyang mga kabanay, katapusan nila kini nga nakit-an gahapon alas 5 sa kaadlawon sa dihang mibiya kini sa ilang balay.

Dugang sa igsuon, kanunay matud pa kini nga mahubog tungod sa mga problemang gihambin. Duda sa iyang kabanay nga naligo kini sa dagat samtang hubog. Usa kini sa gitan-aw nga posibleng hinungdan sa iyang pagkalumos.

Apan, gihulat pa sa Talisay City Police ang resulta sa autopsy aron matino ang tinuod nga hinungdan sa iyang kamatayon ug masuta kung wala ba gyuy foul play.

-- ADVERTISEMENT --