Gipusil-patay ang usa ka abogado nga administrative division officer-in-charge sa Philippine Ports Authority’s Port Management Office Palawan atubangan sa panimalay niini sa Puerto Princesa City, Palawan niadtong Miyerkules sa gabii, Septiyembre 17, 2025.
Gikumpirmar kini mismo sa maong ahensya pinaagi sa usa ka pamahayag niadtong Huwebes, Septiyembre 18 sa ilang kusganong pagkondenar sa pagpatay sa biktima nga giilang si Atty. Joshua Abrina.
Sa laing pamahayag, ang Puerto Princesa City Police Office nagkanayon nga si Abrina kay bag-o lang naabot sa ilang panimaly sa Barangay San Jose gikan sa prayer meeting uban sa iyang pamilya sa dihang gipusil siya sa wala mailhing gunman pasado alas 8:15 sa gabii sa maong adlaw.
Ang biktima nagdiskarga sa ilang mga butang gikan sa ilang sakyanan ug nangandam sa pagsulod sa ilang pinuy-anan dihang nahitabo ang insidente.
Gisuwayam pa kini og dala sa tambalanan apan gideklarar dayon nga dead on arrival.
Matod sa kapolisan nga ang mga imbestigador nagtigom na karon og mga testimonya gikan sa mga saksi, nakig-coordinate sa mga lokal nga residente, ug nag-backtrack sa CCTV footages.
Usa ka Special Investigation Task Group ang gimugna aron tutukan ang maong kaso.
