CEBU CITY-“Purely tsismis lang”
Kini ang mga pamahayag nga giluwat ni Cebu City Acting Mayor Raymond Alvin Garcia kabahin sa pasangil nga mipagawas siya og impormasyon sa pipila ka mga opisyales sa barangay sa dakabayan nga adunay laing silot ang gipa-abot si Suspended Cebu City Mayor Michael Rama.
Kini nagnunot sa posibling panghitabo nga dili na makabalik sa katungdanan si Rama hangtud sa Mayo 2025 diin adunay laing hugna sa piniliay nga makapa-upos sa iyang kasamtangang administrasyon.
Tungod kini sa nepotismong kaso nga gisang-at ni Jonel Saceda, kinsa giila sab nga “Inday Josa Chongbian Osmeña” niadtong tuig 2023 tungod sa pagpang-hire sa mga kabanay sa iyang asawa sa posisyon sa kagamhanang dakbayan sa Sugbo.
Daling gihimakak ni Acting Mayor Garcia nga ingon man permi man siya magpatawag og pulong ang iyang buhatan nga may kalabutang sa pagdumala sa dakbayan ug dili pamulitika.
Kahinumduman nga miluwat og habig ang kampo ni Rama kabahin sa maong isyu diin gitumbok nila ang pagluwat sa maong kasayuran tungod sa tapok-tapok nga gipangulohan sa Acting Mayor.
