-- ADVERTISEMENT --
CEBU CITY-Giklaro ni Cebu City Acting Mayor Raymond Alvin Garcia nga wala siya mangasaba sa pipila ka miyembro sa media sa Sugbo sa pag-cover og mga balita sa pipila ka isyu nga nasugatan sa pag-host sa Palaro sa dakbayan sa Sugbo.
Sa pakighinabi sa Bombo Newsteam kang Acting Mayor Garcia diin gipadayag niya nga lain pamalandungon sa bahin sa Cebu City Hall nga naglihok ang mga personahe niini sa pagsulbad sa unsa man ang panginahanglan sa mga bisita nga dili kaabtan og taas nga panahon.
Ingon man nga na-frustrate lang siya sa angulo nga wala gikuha ang detalye sa panghitabo nga nasulbad sa mga personahe sa kagamhanang dakbayan sa Sugbo ilabi na sa isyu sa suplay sa tubig sa mg billeting quarters sa mga delegado.
