Gisumite na sa Office of the Ombudsman ang mga sinumpaang pahayag sa 18 ka nagpailang kanhing mga sundalo kalabot sa giingong “male-maleta” nga kuwarta.
Gipaambit ni Atty. Levi Baligod nga ilang gisumite sa Opisina sa Ombudsman ang mga pahayag sa 18 ka nagpailang kanhing sundalo karong adlawa.
Gi-refer nila sa Ombudsman ang mga alegasyon ug akusasyon sa pagdala og dagkong kantidad sa kwarta sa mga balay sa pipila ka mga opisyal sa gobyerno.
Sumala ni Atty.Baligod, ang mga affidavit naglangkob sa detalyadong mga alegasyon nga may pagdala og dagkong kantidad sa kuwarta ngadto sa mga pribadong balay sa pipila ka matataas nga opisyal sa gobyerno.
Dugang pa, nga ilang gihangyo ang Ombudsman nga magsugod og imbestigasyon aron matino kung adunay basihan ang mga alegasyon ug kung adunay administratibo o kriminal nga responsibilidad ang mga nalambigit.
Ang lakang sa pagsumite sa mga affidavit kabahin, matud ni Baligod, sa ilang paningkamot nga mahatagan og pormal nga dalan ang mga testigo aron mapaminaw ug mapanalipdan samtang ginapadayon ang legal nga proseso.
