Nag-atubang karon og reklamong plunder sa Office of the Ombudsman si kanhi Senate President Chiz Escudero, tungod sa giingong pagdawat og kickback gikan sa mga flood control projects.
Sa counter-affidavit ni Escudero nga gisang-at niadtong Biyernes, ang Field Investigation Office of the Ombudsman nagrekomendar niadtong Abril 16 sa pagpasaka og mga kasong plunder, graft, ug indirect bribery batok sa senador.
Ang mga nasayrang reklamo gibasi sa mga testimonya sa kanhi Department of Public Works and Highways (DPWH) Undersecretary Roberto Bernardo.
Ang giingong kickback gikolekta ni Maynard Ngu, kinsa higala ni Escudero, contributor sa kampanya, ug giingong bagman, matod pa niini.
Sa maong kasong giatubang ni Escudero, gipanghimakak kini niya ang mga pasangil, nga nag-ingon nga wala niya gitugutan si Ngu nga molihok alang kaniya ug ang reklamo wala magpakita og pruweba nga nadawat niya ang kwarta.
