Gibuak na sa aktres ug TV host nga si Anne Curtis ang iyang kahilom kabahin sa kontrobersiya nga naglibot sa giingong sekswal ug malaw-ay nga “analogy” ni Quezon City 4th District Representative Bong Suntay atol sa usa ka hearing sa House of Representatives.
Sa iyang Instagram statement, si Curtis miingon nga nagpakahilom siya kay mas giuna niya ang pag-uban sa iyang pamilya nga na-stranded sa Middle East. Apan karon nga nibalik na siya sa Pilipinas, mitingong na kini gumikan mao kini ang angay, dili para sa panimalos o drama, apan tungod kay sayop alang kaniya ug sa tanang babaye nga nakasinati niini nga sitwasyon nga magpakahilom.
Gisaway usab sa aktres ang pamahayag sa kongresista, nga gitawag kini nga “bulgar ug sexualized,” labi na kay ang iyang ngalan giingong gigamit nga walay pagtugot ug walay respeto. Giangkon niya nga nasakitan, nasamok ug nasuko ang aktres sa paagi sa pagtawag kaniya.
Sumala sa aktres, kini nga kasinatian dili talagsaon tungod kay daghang mga babaye ang nakasinati og sekswal nga mga komento matag adlaw, apan mas makaalarma kini tungod kay kini gikan sa usa ka opisyal sa gobyerno.
Wala usab gidawat ni Curtis ang pagpangayo og pasaylo ni Suntay, hinuon iyang giila ang pagpangayo og pasaylo sa asawa ni Suntay.
Giinsistir usab niya nga ang insidente nagpakita sa mas lapad nga problema sa sexism sa katilingban ug nanawagan sa mga awtoridad, lakip ang ethics committee nga imbestigahan ang insidente.
Samtang, ang aktres nagkonsulta usab sa iyang mga abogado aron tun-an ang posible nga mga lakang legal.
Giingon usab sa iyang abogado nga ang giingon nga pahayag dili angay ug dili madawat, ug nga walay babaye, celebrity man o pribadong lungsuranon, ang angay nga himuong hilisgutan sa sekswal nga komentaryo.
