Nipasaka og kaso ang National Bureau of Investigation (NBI) batok kang Atty. Raul Lambino tungod sa pagpakatap og sayop nga impormasyon.
Si kanhi National Youth Commission (NYC) commissioner Ronald Cardema gipasakaan usab og kaso sa NBI sa Department of Justice (DOJ).
Matud ni NBI Technical Intelligence Service Agent Allen Rey Delfin nga ang duha nag-atubang og kalapasan sa Article 154 sa Revised Penal Code o unlawful use of means of publication o unlawful utterances.
Mahimo silang mapriso og usa ka buwan ug makamulta gikan sa P40,000 ngadto sa P200,000.
Nitumaw ang kaso atol sa kataas sa pagkasikop ni kanhi Presidente Rodrigo Duterte sa International Criminal Court (ICC) niadtong Marso 11, diin sa live video ni Lambino, iyang gipakatap ang balita nga ang Korte Suprema kay miluwat og Temporary Restraining Order (TRO) alang sa pagdakop kang Duterte apan walay TRO nga giluwatan.
Mao usab kini ang gibuhat ni Cardema dihang gi-interview siya sa Villamor Air Base aron depensahan si Duterte.
