CEBU – Gihulagway ni Dr Ryan Maboloc, usa ka propesor sa Ateneo De Davao University, nga usa lang ka ‘desperation’ ni presidential aspirant Walden Bello ang pamahayag nga nag-awhag sa Comelec nga patas-an pa ang sanction nga ipahamtang alang sa mga kandidato nga dili mutunga sa mga ipahigayon nga debate.
Matud pa, kung kini ang pamaagi ni Bello sa pag-aghat sa mga botante nga dili na mo botar sa mga kandidato nga wala mutambong sa debate, hayan dili kini magmalampuson gumikan kay ang maong pamaagi ang dili man ‘beneficial’ sa katawhan.
Sigon ni Maboloc nga tataw nga wala man mag-apas nga mudaug si Bello, hayan nagpagawas kini sa iyahang pagka-dismaya sa kanunay nga wala pagtambong ni Marcos Jr., ug Inday Sara.
Gituohan sa maong propesor nga dili kini makatandog sa panglantaw sa mga electorate sa umaabot nga pinili-ay.
Kahinumdoman nga gibutyag ni vice presidential bet Walden Bello nga nakahunahuna nga dili na mutambong sa sunod nga vice presidential debate gawas na lang kung magpakita sila si Marcos Jr. ug Inday Sara.
Giangkon usab ni Bello nga ang iyahang pagka-dismaya sa wala pagtambong sa mga kandidato kay nahimong hinungdan arun nga mikanta kini sa debate inay nga mag-walk out nga una niining plano.
