Nagbilin og 2 ka patay ug kapin sa 500 ang naangol human nihapak ang Bagyong Danas (kanhi Bising) sa kasadpang Taiwan niadtong Domingo sa gabii, nga nagdala sa hangin nga moabot sa 220 kilometros matag oras, ingon man hinungdan sa kaylap nga kadaot.
Ang mga bagyo kasagarang moigo sa silangang bahin sa isla, apan panagsa ra nga moigo sa mga lugar nga daghang populasyon diin nagpuyo ang kadaghanan sa populasyon ug tungod niini gisirad-an ang mga negosyo ug eskwelahan.
Ang mga awtoridad miingon nga kapin sa 700 ka mga kahoy ang nangatumba, liboan ka mga balay ang nawad-an og kuryente, ug kapin sa 300 ka mga biyahe ang nakanselar.
Nangaguba usab ang daghang mga dalan usab, mga poste sa utility, ug mga building, lakip ang bahin sa templo sa Tainan.
Subay niini giawhag ni Taiwan President Lai Ching-te ang mga lungsoranon nga mangandam sa kaylap nga epekto sa bagyo.
Samtang sa China, gipataas usab ang alert level sa lalawigan sa Zhejiang samtang ang Bagyong Danas gipaabot nga mo-landfall tali sa mga siyudad sa Taizhou ug Fuzhou.
