CEBU CITY-Andam na ang mga batan-ong atleta sa dakbayan sa Sugbo nga makigtigi ug ipasigarbo ang ilang siyudad sa umaabot nga Batang Pinoy National Championships.
Gani, gipangulohan ni Cebu City Mayor Raymond Alvin Garcia ang send-off ceremony ug atol sa maong kalihukan, ang Cebu City Government nihatag sa mga atleta og kompletong uniporme, lakip na ang sapatos, ug financial allowance aron masiguro nga kompleto sila sa mga gamit alang sa kompetisyon.
Ang suporta sa siyudad nagpasiugda sa iyang pasalig sa pag-amuma sa mga batan-ong talento sa paugnat sa kusog ug pagpalambo sa garbo sa athletic community sa dakbayan sa Sugbo.
Ang Batang Pinoy National Championships nagsilbi nga plataporma alang sa mga batan-ong atleta sa pagpakita sa ilang kahanas ug pagrepresentar sa ilang lungsod nga natawhan sa usa ka nasudnong entablado.
