Maka-access na ang mga magbubuhis sa digital calendar nga maggiya kanila kung kanus-a mobayad sa ilang buhis ug sa mga kinahanglanon nilang tumanon, matod sa usa ka opisyal sa Bureau of Internal Revenue (BIR).
Matud ni Brianna Kay delos Santos, ang tigpamaba ug abogado sa BIR nga ang Bagong Pilipinas Ngayon nga ang interactive digital tax calendar anaa na sa website sa BIR sukad Enero 1 ning tuiga.
Gipasabot niini nga ang digital calendar nagtumong sa paghatag sa publiko og sentralisado ug accessible nga tinubdan sa impormasyon bahin sa mga deadline sa pagbayad sa buhis ug mga may kalabutan nga kinahanglanon.
Dugang niya nga ang kalendaryo gihimo nga interactive ug user-friendly alang sa kaayohan sa mga magbubuhis.
Ingon man nga ang opisyal sa BIR miingon nga adunay plano nga i-embed ang kalendaryo sa eGovPH mobile app, apan gusto nila nga ma-pamilyar una ang publiko niini.
Miingon usab siya nga ang kalendaryo adunay link nga magamit sa mga tiggamit sa electronic Filing and Payment System (eFPS) sa pagbayad sa ilang buhis.
Ang mga dili tiggamit sa eFPS, matod niya, makakita lang sa porma nga gamiton ug kinahanglan una nga mobayad sa bayranan pinaagi sa eBIR portal sa pagkakaron.
