Gikuwestiyon ni Bise Presidente Sara Duterte ang taho nga 30,000 ka mga biktima sa war on drugs sa administrasyon sa iyang amahan nga si kanhi Presidente Rodrigo Duterte.
Matud sa ikaduhang presidente nga kinahanglang pamatud-an ang giingong 30,000 ka mga biktima.
Dugang pa niini nga unsaon pagmatuod sa sistematikong pagpamatay sa 30,000 ka biktima kung wala kay mga pangalan sa biktima.
Mao kini ang iyang mga pamahayag atol sa usa ka panagtapok sa The Hague nga gihimo sa pagsaulog sa adlawng natawhan sa iyang amahan.
Gihinganlan pa og ‘bobo’ ang abogado nga mikupot sa maong kaso nga miingon nga adunay sistema nga nataho nga adunay 3.0,000 ka mga napatay sa war on drugs.
Samtang, gikompirmar usab niini nga ang common-law nga asawa ug anak ni FPRRD nga sila si Honeylet Avanceña ug Veronica “Kitty” Duterte gitugotan nga makabisita sa kanhi presidente sulod sa ICC detention facility.
Matod ni VP Sara, nilungtad og tulo ka oras ang pagbisita nila ni Honeylet ug Kitty dungan sa ika-80 nga adlawng natawhan sa kanhi presidente.
Human sa pagbisita, nakigtagbo ang duha sa mga supporters sa kanhi presidente.
