Gikumpirmar ni Department of the Interior and Local Government (DILG) Secretary Jonvic Remulla niadtong Sabado, Disyembre 20, nga ang patayng lawas ni kanhi Department of Public Works and Highways (DPWH) USec. Catalina Cabral ang nakit-an sa bung-aw sa Tuba, Benguet Province.
Sumala sa kalihim, ang hinungdan sa kamatayon sa kanhi opisyal mao ang “blunt force trauma consistent with a fall.”
Gitataw usab niini nga basi sa ilang findings kay nagpakita nga walay mga samad pinusilan o uban pang indikasyon nga adunay foul play.
Ingon man nga ang mga samad sa kanhi opisyal tungod sa pagkahulog gikan sa taas nga lugar.
Gipahibalo usab ni Sec. Remulla nga ang asawa ni Cabral gikatakdang mohatag sa iyang personal nga mga gamit ngadto sa mga imbestigador human malubong ang kanhi opisyal.
Si Cabral usa sa mga importanteng tawo nga nalambigit sa kaylap nga iskandalo sa korapsyon nga may kalabotan sa mga proyekto sa pagkontrol sa baha sa Bulacan. Nakit-ang patay si Cabral human giingong nahulog sa bangin duol sa Bued River sa Kennon Road sa Tuba, Benguet niadtong Huwebes sa gabii, Disyembre 18.
