CEBU CITY-Gipaubos na sa State of Calamity ang Brgy. Mambaling human nga nakasinati og sunog niadtong nakalabay nga mga adlaw.
Kini human nga ang Cebu City Council mi-aprobrar sa resolusyon ni Konsehal Arvin Arcilla nga ipaubos ang naasoy nga barangay sa state of calamity sanglit wala kini naka korom tungod sa leadership crisis gumikan sa conflict ni Suspended Brgy. Kapitan Genes Abellana ug acting Brgy. Kapitan Anna Marie Vestil-Palumo.
Gihangyo niini ang Social Welfare Services nga mugahin og 4.4 million pesos nga budget alang sa nasunogan.
Kini ang ipalit og mga food packs nga mukantidad sa 840,000 pesos. Bugas, delata og nga gamit sa kusina nga mukantidad sa 641,980 pesos.
Lakip usab niini ang housing materials nga mukantidad sa 636,400 pesos.
Samtang ang sobra nga 2.2 million pesos ang igahin usab para sa financial assistance.
Sa nasayran,80 ka balay ang nasunog nga dunay 150 ka pamilya ang makadawat og tag 20, 000 pesos.
