CEBU CITY-Mubalik sa pagtanyag sa obra sa teatro ang Buhing Kalbaryo sa ika-28 nga edisyon niining karong tuiga sa pagselebrar sunod semana sa Lenten season o Semana Santa.
Kini matod pa ang paghatag og kinabuhi sa kinabuhi ni Hesu Kristo nga ipahigayon sa umaabot Biyernes Santo (Good Friday) Abril 18 sa pipila ka ga dapit sa mga barangay sa San Nicolas Proper, Calamba, ug Guadalupe ning dakbayan sa Sugbo.
Kini nga dulang-teatro kay pagapundohan sa pribahong panudlanan nga gipangulohan ni kanhi Cebu City Mayor Michael Rama atol sa nahitabong press conference niini kagahapong adlaw sa Biyernes, Abril 11.
Matod pa nga ang produksyon sa Buhing Kalbaryo 2025 kay manukad bolunterismo, donasyon, ug supporta sa komunidad.//
Makadani ang mga pagtanghal og gatosan ngadto na sa liboan ka mga mananan-aw nga nahimo nang taktak sa kultura ug tradisyon sa pipila ka mga lumulupyo sa dakbayan sa Sugbo.
Ang maong produksyon kay magpakita sa dili muminos 150 ka mga volunteer-actors nga mas ubos kung itandi sa nakalabayng tuig 2024 nga miabot sa 200 ang ilang ihap.
Matod sa mga organizers nga sa nakalabayng tuig kay miabot sa 5,000 ka mitan-aw sa ilang dulang-teatro sa 14 ka mga Station of the Cross.
