CENTRAL VISAYAS-Nagpabiling nag-unang hinungdan sa mortality rate (kamatayon) sa rehiyon sa Central Visayas ang sakit sa kasing-kasing o Cardiovascular Diseases sumala pa sa datos sa Department of Health – Central Visayas (DOH-7).
Kun diin sa maong ihap kay miabot kini sa 89% ang mortality rate nga gituki sa DOH-7 subay sa pagsaulog karong buwana sa Marso isip Philippine Heart Month.
Gikabutyag ni Dr. Joan Antonette Albito, ang DOH-7 Medical Officer IV nga ang mga bisyo sa usa ka indibidwal sama sa pagpanigarilyo (smoking), pag-inom og ilimnong makahubog (alcoholic drinking), pagkaon og mga high fat diet, og kakuwangan sa pag-ehersisyo ang maoy nakapa trigger sa maong matang sa sakit.
Gidugang usab sa datos nga gipresenta ni Dr. Albito nga ang misunod nga mga top 10 nga sakit gisundan ang Cardiovascular Diseases kay mao ang sakit nga Pneumonia nga adunay 50% mortality rate og gisundan sa heart attack ug heart failure.
Subling mipahimangno ang ahensya sa panglawas nga magbinantayon sa lifestyle sa usa ka tawo ilabi na sa ilang pagtulun-an nga hilabihang taas kaayu ang ihap sa populasyon ang bulnerable sa maong sakit.
