Nagtinguha karon ang Pinoy boxer nga si Carlo Paalam sa pagdaog sa gold medal sa 20th Asian Games nga gipahigayon sa Nagoya, Japan.
Atubangon ni Paalam ang Japanese boxer nga si Rui Yamaguchi sa finals sa men’s 55-kilogram division.
Miabante si Paalam sa finals human niya mapildi ang world champion nga si Makhmud Sabyrkhan sa Kazakhstan pinaagi sa 3-2 split decision.
Tungod niini, sigurado na ang silver medal alang kang Paalam, kinsa nagtinguha nga tapuson ang dugay nang hulat sa Pilipinas alang sa gold medal sa boksing sa Asian Games.
Ang kataposang higayon nga nakadaog ang Pilipinas og gold medal sa boksing sa maong torneyo mao niadtong 2010 Guangzhou Games, diin midaog si Rey Saludar sa 52-kilogram division.
Gikatakdang sugdan ang away tali nila Paalam ug Yamaguchi sa alas-12:15 sa udto.
