Nagkinahanglan nalang og usa ka daog ang Cleveland Cavaliers aron makaabante sa NBA Eastern Conference semifinals.
Kini human gipildi sa Cavs ang Raptors pinaagi sa pagbangon sa ika-4 nga quarter, sa iskor nga 125-120, ug gipangulohan nila ni James Harden ug Evan Mobley, kinsa susamang nakapuntos og 23 puntos ug 9 ka rebounds matag usa.
Pareho usab silang nagpakita og defensive caliber human si Harden naka-post og duha ka steals ug usa ka block samtang si Mobley nakatampo og usa ka steal ug tulo ka blocks.
Gipapas sa Cavs ang 8-point nga labaw sa Raptors sa ika-3 nga quarter ug napugngan usab ang ulahi sa pag-angkon og momentum, diin sa 12 minutos ang 2019 NBA champion nakahimo lang og 17 puntos.
Ang mga beteranong guard nga sila si Donovan Mitchell ug Dennis Schroder nakatampo usab og 19 puntos matag usa sa kadaugan sa Cavs.
Gipahimuslan sa team ang kalit nga pagbiya sa beteranong forward nga si Brandon Ingram tungod sa sakit sa tuo nga tiil.
Si Ingram milungtad lang og 11 minutos sa hardcourt ug wala na mobalik hangtod sa katapusan sa duwa.
Sa pagkawala ni Ingram, si RJ Barrett ang nanguna nga scorer sa Toronto, nga nakapuntos og 25 puntos ug 12 ka rebounds.
