Nanghinaot ang Catholic Bishops Conference of the Philippines (CBCP) nga adunay tinuod nga manubag sa sunodsunod nga mga pagdungog sa eskandalo nga naglibot sa mga proyekto sa pangpubliko nga imprastraktura sa tibuok nasod.
Buot sa Simbahang Katoliko nga dili lang nga walay kapuslanan ang tanan nga nagpadayon nga imbestigasyon kon dili adunay mapriso, bisan kon adunay kausaban sa administrasyon.
Nangatarungan ang tigpamaba sa CBCP nga si Fr. Jerome Secillano nga ang sunod-sunod nga imbestigasyon kinahanglang moresulta sa pagkabilanggo sa tanang nalambigit sa eskandalo, ug sila mag-antos sa korapsyon nga nahimo.
Matod niya nga dili temporaryo ang ilang pagkabilanggo, apan kinahanglan nga magpabilin sila sa detensyon bisan kung magbag-o na ang mga lider sa nasud.
Gitumbok ni Fr. Secillano ang nahitabo ubos sa Priority Development Assistance Fund (PDAF) scam, diin matod niya nga subo lang nga usa ra ka tawo ra ang napriso ubos sa maong eskandalo samtang gawasnon ang uban niyang mga kauban.
Ang mas grabe pa, matod niya, ang uban kanila midagan pa sa katungdanan ug sa katapusan midaog pa sa pwesto.
Nanghinaut ang mga opisyal sa CBCP nga dili na kini mahitabo pag-usab ubos sa eskandalo sa flood control projects.
Nanawagan si Fr. Secillano sa mga Pilipino nga mogawas ug mopadayag sa ilang pagsupak sa naghitabong korapsyon sa gobyerno ug mga opisyal, ug dili lang magpakahilom.
Matod niya nga daghang paagi sa pagpadayag sa kasagmuyo ug kasuko, ug kini angay nga ipadayon aron ang eskandalo dili lang mawala o makalimtan sa katawhan.
