Gisugdan ang Bag-ong Tuig sa Dakbayan sa Sugbo sa usa ka lihok nga adunay pakabana sa kalikopan, ubos sa mando ni Cebu City Mayor Nestor Archival sa pagpahamtang sa “No Segregation, No Collection” Policy, nga gisugdan niadtong Enero 1, 2026.
Subay niini, gikuha sa Bombo Radyo Cebu Newsteam ang habig sa pangu sa Department of Public Service (DPS) nga si John Paul Gelasque, aron sutaon kung unsa na ang dagan niini nga polisya.
Atol sa ekslusibong pakighinabi sa Bombo Radyo Cebu Newsteam kaniya, iyang gikabutyag nga wala pa sila kahinabi sa matag barangay sa Sugbo, apan si Mayor Archival, napatawag na niini sa nilabayng duha ka adlaw ang sakop sa mga frontliners sa mga basura, mga drivers ug mga loaders.
Sa bahin usab sa mga detalye sa maong polisiya, gidugang ni Gelasque nga adunay mga operatiba gikan sa Local Government Unit (LGU) nga gipangulohan sa Cebu City Environment and Natural Resources Office (CCENRO) aron ma-edukar ang taga barangay kung unsa ang angay buhaton sa maong polisya.
Samtang, giklaro usab ni Galasque nga sa maong sistema kon ma fully-implemented na, usa sa mga highlight niini mao nga wala na gayuy makit-an nga basura sa kadalanan, apan kung aduna pay mamatyagan nga mga basura sa kadalanan, nagpasabot kini nga aduna pay kalisud (struggle), kay ang “No Segregation, No Collection” set-up challenging kini, diin aduna lamay 2-3 ka mga LGU ang naka implement niini sa tibuok nasud.
Gidugang usab ni Galasque nga ang “No Segregation, No Collection” na sugdan na sa Dakbayan sa Sugbo, apan wala mamintinar.
Hinungdan nga sa kasamtangan, nagpadayon pa ang pag edukar sa matag barangay kay mao man kini ang tinubdan sa pagpahamtang sa maong lakang.
Samtang ang DPS, anaa permamente nga motanyag sa ilahang suporta, ug sa bahin usab kung aduna silay mga basura nga dili makuha nga dili segregated, obligasyon kini sa buhatan nga kolektahon.
