CEBU – Nipirma og kasabotan ang Cebu City Police Office ubos sa direktor niini nga si Police Colonel Ireneo Dalogdog, uban sa City Government ug nagkalain-laing barangay niadtong Biyernes, Disyembre 9, 2022, aron hunongon ang ilegal nga sugal ilabi na ang e-sabong.
Ang pinirmahay gitambongan nila ni City Councilor Phillip Zafra, kinsa nagrepresentar ni Mayor Michael Rama, ug Pastor Art Tangal, nga nagrepresentar sa Kasimbayanan, nga nagpasabot sa Kapulisan, Simbahan at Pamayanan, usa ka programa sa PNP nga nakigtambayayong sa publiko ug relihiyosong sektor.
Kung diin ang mga barangay kapitan sa Central Visayas niingon nga motabang sila sa kapulisan sa pagmonitor sa pagkaylap sa ilegal nga sugal sa rehiyon.
Sa miaging semana, nasikop sa kapulisan sa dakbayan sa Sugbo, Probinsiya sa Sugbo ug mga operatiba sa Criminal Investigation and Detection Group Regional Field Unit ang kapin sa 20 ka mga suspetsado tungod sa giingong kalambigitan niini sa ilegal nga sugal.
