Padayong nanawagan si Cebu Archbishop Alberto “Abet” Uy sa mga Romano Katolikong Sugboanon sa pag-ampo alang sa kalinaw sa Middle East nga sa kasamtangan kay anaa sa ika-22 nang adlaw sa gyera tali sa US-Israel ug sa Iran.
Gipanawagan kini sa arsobispo atol sa Angelus prayer niini niadtong Dominggo, Marso 22 kun diin nag-awhag kini nga ang pag-ampo nga adunay katuyuan ngadto sa Labawng Makagagahum, pinaagi sa pangaliya sa Mahal na Birhen Maria.
Gidapit sa pag-ampo niini nga ang tanan dili mapahimuslanon ug kahakog sa krisis nga nasinati sa tibuok kalibutan mugna sa tension sa Middle East.
Hangyo niini ang pagtinabangay sa usag-usa karong panahon sa kanihit ug kamahal sa presyo sa gasolina ug palaliton nga unta makagiya ang mga anaa sa gahum og patas nga solusyon sa paglibkas sa kalisod.
Gipangaliya ni Archbishop Uy nga unta ang mga pag-ampo kay makapahunong na sa tensyong military sa pagpatigbawbaw sa pag-inigsuonay tali sa mga kanasuran sa kalibutan.
Giampo sab sa arsobispo ang mga apektado sa privatization sa merkadong Carbon, ang kapahulayan sa kalag ni Mary Christ Cuizon kinsa namatay atol sa pagkuha og ayuda niini sa Opao, Mandaue, ug ingon man ang padayong pagmasaligon ng adunggon sa Dios ang mga pangamuyo natong katawhan.
