Gipahibalo ni Cebu Provincial Governor Pamela “Pam” Baricuatro nga pa-umentohan niini ang igastong meal allowance sa mga pasyente na-admit sa 16 ka mga tambalanan nga gidumala sa Kapitolyo sa probinsya.
Gianunsyo kini sa gobernadora atol sa pakighinabi niini sa mga sakop sa tigbalita niadtong Miyerkules, Septiyembre 24 nga sumala pa mao kini ang unang pagsaka sa igahin nga allowance sa pagkaon sa mga pasyente sulod sa nakalabayng unom ka tuig.
Ang karaang rate kay anaa lang sa makaluluoy nga P50 kada kaon kun P150 kada adlaw nga kaon gipasakahan sa P100 kada kaon na nga anaa sa P300 kada adlaw.
Matod pa ni Dr Nikki Catalan, ang Provincial Health Consultant nga ang maong adjustment kay nahisubay sa direktiba sa Department of Health (DOH) Administrative Order 2025-0019 nga ang mga in-patients kay kinahanglan mukonsumo og 1,800 calories kada adlaw.
Gani ang DOH kay adunay proposed projected budget sa P247 kada adlaw sa matag pasyente nga nagpakita nga ang gitagana sa Kapitolyo kay mas labaw niini.
Ang maong umento kay usa ka mahinungdanong kalambuan sa pag-atiman sa mga pasyente sa lalawigan nga nagsigurong tukmang nutrisyon ang ilang madawat kung ma-confine kini ug sa pagtuman sa Kapitolyo sa mga nasudnong sumbanan
