Nagplanong mu-resign pagka-chairman sa City Council Committee on Markets sa Konseho sa Kagamhanang Dakbayan sa Sugbo si Cebu City Councilor Pastor “Jun” Alcover kung sa higayong dili matapok o ma-convene ang Garbo Asenso Sumbanan Alyansa kon GASA Board.
Kini ang eksklusibong gipamahayag ni Alcover atol sa eksklusibong pakighinabi sa Bombo Radyo Cebu News Team diin gisaysay niini nga gisugyot na niya kang Cebu City Mayor Nestor Archival Sr. ang pagpahan-ay sa umaabot Colon Night Market.
Sumala pa ni Alcover nga ang GASA Board maoy modumala sa tanyag nga Colon Night Market aron mahan-ay ang pagpadagan sa mga manindahay niini.//
Nabuhat kini sa konsehal tungod sa nagtipun-og na nga reklamo sa iyang buhatag ang yagaw nga pagtagana sa mga pwesto sa mga manindahay sa Night Market.
Gani ang Konseho kay mupatawag sa mga stakeholder may kalabot sa gipahigayong Night Market activities sa syudad sa umaabot executive session niini sunod semana.
Ang GASA Board kay gipangulohan sa Mayor sa dakbayan kauban ang Prevention Restoration Order and Beautification Enhancement (PROBE) , Cebu CIty Environment and Natural Resources Office (CCENRO), Cebu CIty Police Office, Bureau of Fire Protection Cebu City, City Health Department, mga nagkadaiyang Vendors Associations, ug ang City Committee on Markets.
