Giawhag ni Cebu City Councilor Joel Garganera, ang mga opisyal sa dakbayan sa Sugbo nga hunongon ang tagsa-tagsa nga pagrepaso sa mga proyekto ug Inay susihon ang tibuok watershed system.
Gipahinumdoman niini ang konseho sa iyang panawagan niadtong Disyembre 16, 2025 alang sa “moratorium” sa pagtukod og mga upland, ug gipasiugda niya nga moabut sa 80 porsyento sa Dakbayan sa Sugbo nahimutang sa mga uplands.
Gipunting Garganera nga ang siyudad dili makasulbad sa mga problema sa pagbaha sa ubos nga bahin niini kung dili mapanalipdan ang mga bakilid sa bukid.
Gihisgutan usab ni Garganera nga ang opisina sa mayor nag-eskedyul og inspeksyon sa mga 65 ka upland developments sa Agosto 27, nga adunay report nga gilauman sa katapusan sa Agosto.
Apan bisan pa, iyang gikuwestiyon kung ang mga technical offices sama sa Office of the Building Official kung aduna bay kapasidad sa pagsusi sa matag site sa husto nga paagi.
Gisusi sa Konseho sa Dakbayan sa Sugbo ang plano nga “Matahom Peak View Eco Farm Resort sa Barangay Taptap, nga nagpataas sa mga kabalaka bahin sa pagpanalipod sa watershed.
Gihimug-atan niini, nga kung dili ipatuman nga tukmang lakang, magpadayon gayud nga magsagubang ang Dakbayan sa Sugbo ug mga pagbaha panahon sa ting-uwan.
