Gilatid ni Cebu City Mayor Nestor Archival Sr. nga ubos sa iyang administrasyon karong 2026 kay ang pagpalambo sa mga batakang serbisyo sa kagamhanang dakbayan.
Gihimug-atan sa mayor nga nakatutok ang iyang administrasyon sa mga isyu sa panglawas, pabalay, climate resiliency, edukasyon, ug problema sa basura.
Sa sektor sa panglawas, gisaad ni Archival nga pagpalapad sa Cebu City Medical Center sa target niining pagtapos sa konstruksyon sa Disyembre 2026.
Samtang sa pabalay, nahisgutan niini ang relocation programs ilabi na sa mga residente nga biktima sa nakalabayng Bagyong Tino diin ilang mga pinuy-anan na banlas sa baha tungod duol kini sa mga suba. Lain plano sab kay ang pagdalit sa mas luwas ug sustainable nga kapuy-an sa mga lungsuranon sa dakbayan.
Natumbok pud niini ang pagpalambo sa food security ug climate resilence diin padayon ang sugyot nga pagtanom sa 250,000 ka mga punoan nga tumanon maugsok karong 2026 nga usa sa mga pasaad sa opisyal sukad nakadaog kini sa gahum niadtong Mayo 2025. Palambuon pud niini ang disaster-preparedness sa dakbayan pinaagi sa tukmang pagpundo sa mga haom nga proyekto inabagan sa mga barangay ug mga nasudnong ahensya.
Sa natad sa edukasyon diin giisip sab nga priyoridad sa administrasyon sa pagpalapad sa mga scholarship programs niini sa mga estudyante sa syudad.
Usa sa mga daling mando nga matuman kay ang paglusad na sa “No Segregation, No Collection” policy sa syudad ubos sa City Ordinance 2031 aron malibkas sa problema sa basura ang dakbayan.
Ang pasalig ni Archival kay ang pagdalit og resulta nga mapalambo ang mga pampublikong serbisyo sa dakbayan sa Sugbo aron masiguto ang sustainable ug inklusibong paglambo niini.
