CEBU CITY- Nag-awhag si Cebu City Mayor Nestor Archival Sr. sa transport group leaders sa dakbayan nga musalmot sa importanteng coordination meeting sa City Hall aron hisgutan ang tinguha nga mapabaskog ang sektor sa transportasyon sa syudad nga makadalit kini og mas maayong serbisyo sa publiko.
Kini ang gipahibalo sa opisyal aron madungog ang habig sa mga drayber ug operators nga mahan-ay silang mamasada sa mga kadalanan sa dakbayan.
Gikatakda ang panagpulong karong adlawa sa Martes, Marso 24 inig alas 11 sa buntag sa 9th floor sa Cebu City Hall Executive Building. Giawhag lang niini nga magpadala ang mga grupo sa transportasyon og usa ka representante nga mutambong sa maong coordination meeting.
Gihimug-atan sa mayor nga ang maong inisyatiba kay kabahin sa tinguha sa dakbayan sa pagpatukod og maayo, sustainable, ug inklusibo nga sistema satransportasyon alang sa mga panginahanglan sa mga commuters.
