CEBU CITY-Pabor si Cebu City Mayor Atty. Edgardo Labella sa pagbuhi sa death penalty alang sa makombikto sa kasong plunder ug para sa mga druglord.
Matud ni Labella nga angayan lamang masilotan ang sama kanila ilabina ang mga manufacturer sa iligal nga drogas kay mao matud pa kini ang naguba sa henerasyon sa tao.
Apan gihimug-atan usab ni Labella nga dili siya uyon nga pahamtangan og silot kamatayon ang mga drug addict tungod kay angayan pa kini silang tagaan og laing higayon nga mabago ang ilang kinabuhi.Duna matud pay higayon ng sila magbago.
Mahinumduman nga sa nakalabay nga Lunes atol sa SONA ni Presidente Rodrigo Duterte gi-awhag niini ang kongreso nga buhi-on ang silot kamatayon para sa kasong plunder ug illegal drugs. (Report ni Bombo Jun Salde)
