Malipayon apan medyo magul-anon si Cebu City Mayor Nestor Archival sa pagbiya ni Outgoing City Director, PCol. George Ylanan sa Cebu City Police Office (CCPO), kini alang usab sa iyahang bag-ong tahas sulod ra usab sa Police Regional Office-7.
Gani, gipresentar ni Mayor Archival ang datos ubos sa paglingkod ni Ylanan atol sa iyahang paglingkod isip City Director sa CCPO sukad niadtong Nobyembre 14, 2025 hangtud karong buwana, Hunyo 2026.
Basi sa datos sa index crime sa robbery, murder, theft, rape, physical injury, sa Dakbayan sa Sugbo, mikunhod kini ngadto sa 3.56%.
Samtang sa non- index crime, ang illegal driving, reckless imprudence resulting in damage to property, injury, curfew regulation, drug related offenses, mikunhod usab ngadto sa 9.64%.
Ubos usab sa paglingkod ni Ylanan sa Sugbo, gisaysay ni Archival nga adunay 194 operations batok sa loose firearms, ug ingun man ang pagkasikop sa 176 ka mga suspetsado, ug ang pagkakompiskar sa 179 ka mga armas.
Ang CCPO usab nakasikop sa 550 ka mga wanted persons, lakip na ang 112 ka mga most wanted person sa syudad.
Samtang, personal usab nga mipadayag si Ylanan sa iyahang pasalamat sa mga pangu sa Sugbo, ug ingun man ang City Council tungod sa lagpas 100% nga suporta nga gitanyag alang sa CCPO ubos sa iyang kanhi pagpangulo.
Gani, nahisgutan usab ni Ylanan nga subay sa mga dagkong panghitabo, kalihokan, ug selebrasyon sa Sugbo, kung diin niabag ang Cebu City Government, hinungdan nga gipasigarbo ni Ylanan nga nabaton niadtong mga panahona ang Zero Crime Incident.
