CEBU CITY- Mipabuhagay si Cebu City Mayor Nestor Archival Sr. kagahapon sa gitawag niyang “irregularities” ug “wasteful spending” ubos sa miaging administrasyon, nga naglambigit niini sa gi-ingung P2-P3 bilyones nga budget deficit sa siyudad.
Iyang gipasidan-an nga ang problema sa budget karon sa dakbayan dili lang tungod sa dili maayo nga koleksyon o pagtaas sa gasto, kondili sa kuwestiyonableng paggasto, overpricing, ug posibleng iregularidad ubos sa nangaging pamunoan.
Gitumbok ni Archival ang kontrobersiya sa usa ka mahalon nga BYD Tang electric SUV, nga una nang gideklarar ni Bise Mayor Tomas Osmeña nga “overpriced og kapin sa P1 milyon. Samtang ang kasabutan giingon nga “voided.”
Matud pa niini nga ang maong mga lakang dili maayu nga sumbanan alang sa dakbayan, dugang usab niini nga posibleng mao kini ang pinakadakong kaso apan gi-ingung aduna pay pipila ka mga kwestyonabling items nga gipamalit susama sa T-shirt nga nga balur sa P20,000 ang matag usa.
Hinoun, ang mga nadiskobrehn ni Archival ipaubos pa sa veripikasyon apan tataw ang assessment niini.
Gibutyag kini ni Archival usa ka adlaw human gilimod ni kanhi Cebu City Mayor Raymond Alvin Garcia nga adunay deficit ubos sa iyang pagbantay, nga matud pa nga nagbilin siya og kapin sa P11 bilyones nga cash deposit ug walay utang. | Bombo Nathaniel Sandoval
