CEBU CITY- Nahimotang ang dakbayan sa Sugbo isip Asia’s Top 2 Pet-friendly city, basi sa gipagawas nga datos sa international digital travel platform nga “Agoda”.
Kini ang giluwat sa maong app sa ranking niini sa top 10 most pet-friendly travel destinations sa tibuok kontinente sa Asya nga nag-highlight sa growing trend sa mga turista nga nangita og kabakasyonan nga welcome sab ilang mga binuhing hayop isip companions.
Kung diin ang Cebu City maoy usa sa duha lang ka siyudad sa Pilipinas nga nasulod sa top 10 list isip most pet-friendly travel destination sa Asia sumala sa ranking nga gipagawas sa digital travel platform ning bag-o lang.
Subay niini, gikwaan og reaksyon sa Bombo Newsteam si Dr. Alice Utlang, kinsa maoy pangu sa Cebu City Department of Veterinary Medicine and Fisheries (DVMF), dinhi iyahang gipaabot nga dako kini nga garbo alang sa syudad ilabi na nga wala sila nagdahom nga adunay nakakita og nakabantay sa ilahang progresibong kalihokan alang sa mga binuhing hayop.
Dugang pa ni Dr.Utlang, nga kini nagpakita lang sa epektibong pagpatuman sa ilang mga polisiya nganhi sa Dabkayan sa Sugbo.
Nasuta nga ang maong lista kay gikwentada pinaagi sa average number of accomodations nga nagtugot og mga pets nga makasulod.
Sa maong listahan kay nanghawd ang mga dagkong dakbayan sa nasod nga Vietname diin upat niini nakasulod sa top 10 og mao kini ang Ho Chi Minh City, Nha Trang, Hanoi, ug Da Nang nga mao ang top 1.
Lakip usab sa maong listahan kay ang dakbayan sa Tainan, Taiwan; Pattaya, Thailand; Taichung, Thailand; New Delhi, India; ug bisan ang kaulohan sa Pilipinas ang Manila sa top 10.
