-- ADVERTISEMENT --
CEBU – Gisiguro ni Cebu City Mayor Michael Rama nga “on top of the situation” ang syudad sa nagkasaka nga kaso sa dengue.
Matud pa sa mayor nga dili na bag-o alang kaniya ang hagit nga gi-atubang sa syudad gumikan sa dengue.
Sigon pa, mi-ubos man ang kaso sa COVID-19 apan dul-an na usab sa 1000 ang kaso sa dengue ug aduna na’y dul-an 20 ang nangamatay, apan iyahang gisiguro nga milihok ang syudad niini.
Gani, gipahibalo ni Rama nga iyaha nang gipalihok ang Cebu City Council sa pagpangulo ni Cebu City Councilor Dondon Hontiveros, kalabot na sa pakigbatok sa makamatay nga dengue.
