-- ADVERTISEMENT --
CEBU CITY-Nagplano ang Cebu City Transportation Office (CCTO) nga himuong eksklusibo alang sa mga motorsiklo ang outer lanes sa Cebu South Coastal Road.
Kini gumikan kay natala sa CCTO ang dili mo minos 120 ka mga aksidente sa sakyanan sa maong dapit gikan sa niadtong Enero 1 hangtud sa Mayo 12, 2023 diin sagad niini naglambigit sa mga motorsiklo.
Ang mga aksidente nga nahitabo daplin sa Cebu South Coastal Road naglakip sa aksidente niadtong Abril 28 nga mipatay kang kanhi PBA player Rodulfo Enterina, Jr. nga taga Barangay Cansojong, dakbayan sa Talisay.
Sa report niini, ang CCTO nagkanayon nga sagad sa mga disgrasya nga nahitabo sa SRP mao ang mga bangga sa sakyanan ug ‘self accidents’.
