Nakatala og 225-ka mga bag-ong kaso sa HIV ang Central Visayas ning unang quarter sa 2025, hinungdan nga nahimutang sa ika-6 nga adunay pinakataas nga kaso sa intero nasud kini matud pa sa Department of Health.
Matud pa sa DOH, nakakuha ang Region-7 og 225 nga bag-ong kaso sa HIV tali sa buwan sa Enero ug Marso 2025 nga mo kabat sa 4% nga kaso sa nasud nga adunay 5,101 ka bag-ong kaso.
Kauban sa Central Visayas ang National Capital Region, CALABARZON, Central Luzon, Davao Region, and Western Visayas nga mo kabat sa kinatibuk-ang 69% ka mga bag-ong kaso sa nasud.
Sagad sa mga nataptan ang mga batan-ong lalaki. 95%, o 4,849, sa mga bag-ong kaso ang lalaki, ug hapit katunga ang nag-edad 25 hangtod 34, gisundan sa mga nag-edad 15 hangtod 24.
Samtang, 68 porsyento sa mga bag-ong kaso sa HIV sa tibuuk nasud ang nalakip sa mga indibidwal nga cisgender, nga adunay mga babaye nga transgender nga naglangkob sa 3 porsyento.
Nagpabilin nga nag-una ang sexual contact sa rason nga nganung misaka ang kaso sa HIV nga mokabat sa 96 porsyento sa kinatibuk-an.
Sa pikas bahin, aduna usab 99% o 2,627 ang natala tungod lamang sa gamit pinaagi sa infected nga dagum.
