CEBU – Wala nay utang ang kagamhanan sa dakbayan sa Sugbo.
Nakadawat ang dakbayan og certificate of full payment gikan sa Land Bank of the Philippines (LBP) duha ka semana human mabayri ang balanse sa ilang loan alang sa South Reclamation Project nga karon gitawag na og South Road Properties (SRP) nga mokabat sa P904,898,606.27.
Usa ka turnover ceremony ang gihimo niadtong gahapong adlawa Lunes, Sept. 19, 2022.
Kini ang gibutyag ni Atty.Jerone Castillo, pangu sa Local Finance Committee sa dakbayan, nga pinaagi sa pagkadawat sa sertipiko, mahimo nang opisyal nga madeklarar nga walay utang ang kagamhanan sa dakbayan.
Gawas sa SRP loan niini nga gihimo niadtong 1995, ang kagamhanan sa dakbayan walay laing loan sa ubang mga bangko o financial institutions.
